Pluviales y pavimento en Coroño

Xunta de Goberno Local del Ayuntamiento de BoiroNIF P1501100JDIR3 L01150119

Administración Local · Boiro

A Xunta de Goberno Local, na sesión do 19/07/2018, aprobou o expediente de licitación da obra denominada “PLUVIAIS E PAVIMENTO EN COROÑO (POS+ 2018)” cun orzamento total de 84.855,71 € IVE incluido, a tramitar mediante procedemento simplificado. Na sesión realizada o 16/10/2018 a Xunta de Goberno Local acordou acepta-la proposta de puntuacións emitida pola Mesa de contratación, e requirir á empresa CIF: B15155617 FARIDO SL para que, de conformidade co disposto no artigo 150.2 da Lei 9/2017 e a claúsula 16 dos pregos que rexen o procedemento de licitación, nun prazo de 7 días hábiles presentara a documentación recollida na citada claúsula 16. Consta que a empresa presentou a citada documentación o 26/10/2018. Consta tamén no expediente o informe de fiscalización favorable da Intervención municipal do 29/10/2018. Visto o disposto na Lei 9/2017 de 8 de novembro, de Contratos do sector público, e en concreto no seu artigo 159, así como nos pregos que rexen o procedemento de licitación. Visto o disposto no artigo 21 da Lei 7/1985 de 2 de abril en relación coa Disposición Adicional 2ª da Lei 9/2017 de 8 de novembro, de contratos do sector público (Resolución da Alcaldía de delegación de atribucións na Xunta de Goberno Local do 15/06/2015 – BOP núm. 140, do 27/07/2015) a xunta de Goberno Local, en votación ordinaria e por unanimidade ACORDA: Primeiro.- Adxudicar o contrato “PLUVIAIS E PAVIMENTO EN COROÑO (POS+2018)” á empresa FÁRIDO SL (CIF: B15155617) por un importe de 59.712,96 € (IVE incluido), un prazo de execución de 60 días e un prazo de garantía de 5 anos (4 anos + 1 previsto no PCA). Segundo.- Requerir á empresa FÁRIDO SL para que proceda á formalización do contrato no prazo de 15 días hábiles dende a recepción da notificación, apercibíndolle que en caso de non formalizarse esixiráselle o importe do 3% do orzamento base de licitación (ive excluido) en concepto de penalidade, adxudicándose o contrato ao seguinte licitador nos termos do artigo 153.4 LCSP. Terceiro.- A dirección facultativa das obras e a coordinación de seguridade e saude levarase a cabo polos servizos técnicos municipais. Cuarto.- Publicar a adxudicación no perfil do contratante nun prazo de 15 días naturais dende a formalización. Quinto.- Notificar este acordo aos interesados.